Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

#OnsDorpOnsVeiligheid: AfriForum-plaaswag slaan toe op 10 onwettige Mosambiekers

DeurAfriForum 29/10/202429/10/2024

AfriForum se Pietersburg-Suid-plaaswag het op 23 Oktober ’n beduidende rol gespeel in die arrestasie van 10 onwettige Mosambiekse burgers tydens ’n klopjag op die plaas Wildebeestfontein 20KS, suid van Polokwane. Dié verdagtes kan moontlik verbind word met onlangse voorvalle van koperdiefstal op die plaas. Hulle was ook moontlik betrokke by die aanranding van twee plaaswerkers tydens ’n ander voorval in September.

Die klopjag is in samewerking met die Suid-Afrikaanse Polisiediens (SAPD), Departement van Binnelandse Sake en die plaaslike polisie uitgevoer nadat AfriForum die SAPD ingelig het oor waar die verdagtes woon. Dit volg nadat drie plaaswerkers op 22 Oktober spore vanaf Wildebeestfontein 20KS gevolg het tot by die huis waar die Mosambiekers die volgende dag gearresteer is. Twee van dié plaaswerkers het van die mense in die huis herken as die mans wat hulle in September aangeval het. Hulle het hierdie inligting deurgegee aan die eienaar van die plaas waar hulle werk, wat gevolglik die AfriForum-plaaswag van die nuutste verwikkelinge ingelig het.

Johann Claassens, voorsitter van AfriForum se Pietersburg-Suid-plaaswag, het die SAPD daarvan laat weet waarna die klopjag met die nodige rolspelers beplan en suksesvol uitgevoer is.

“Hierdie operasie is ’n bewys daarvan dat AfriForum-strukture nie onderskat moet word nie en beslis ’n belangrike rol speel in ’n gemeenskap. Samewerking met die SAPD en ander rolspelers is ook van onskatbare waarde om ’n gemeenskap te beveilig. Dankie aan elkeen wat bygedra het tot hierdie groot sukses,” sê Hendrik Kotze, AfriForum se distrikskoördineerder in Limpopo.