Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum skenk 625 kg teer aan Drive Dullstroom’s Destiny vir slaggate

DeurAfriForum 28/10/202428/10/2024

Die AfriForum-tak in Dullstroom het op 24 Oktober 625 kg teer en 50 liter ss60 bitumen ter waarde van R4 000 aan die gemeenskapsorganisasie Drive Dullstroom’s Destiny (DDD) oorhandig om slaggate in die dorp te herstel. Hierdie bydrae vorm deel van AfriForum se volgehoue samewerking met gemeenskapsinisiatiewe om die infrastruktuur te verbeter en veiligheid op die paaie in Dullstroom te verseker.

AfriForum het ook ’n opleidingsessie vir DDD se werkers aangebied, wat hulle toerus met die nodige kennis en vaardighede om slaggate doeltreffend en professioneel te herstel. Hierdie opleiding is daarop gemik om te verseker dat die herstelwerk van hoë gehalte is en sodoende langtermyn oplossings vir die dorp se paaie bied.

“Ons glo dat samewerking tussen organisasies en die gemeenskap die enigste manier is om ’n blywende verskil te maak,” sê Arlo van Heerden, distrikskoördineerder vir AfriForum in die Laeveld. “Hierdie projek is ’n voorbeeld van hoe gemeenskappe hul uitdagings suksesvol kan hokslaan deur hande te vat en oplossings te implementeer wat tot almal se voordeel is.”

AfriForum moedig die inwoners van Dullstroom aan om betrokke te raak en ’n aktiewe rol te speel in die verbetering van die gemeenskap. Deur middel van hierdie tipe vennootskappe wil AfriForum ’n daadwerklike verskil maak en die aansien van die dorp verbeter.

Vir meer inligting oor hierdie inisiatief of om by die projek betrokke te raak, kontak Van Heerden by 066 486 7609 of besoek AfriForum se webwerf by www.afriforum.co.za.