Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings

Die Afrikanerstigting en AfriForum vertrek op steunwerwingstoer na die VSA

DeurAfriForum 05/07/202405/07/2024

Verteenwoordigers van die nuutgestigte Afrikanerstigting en AfriForum vertrek vandag na die Verenigde State om aan verskeie geleenthede deel te neem en bewusmaking van die situasie in Suid-Afrika te skep, asook hoe mense in die buiteland ŉ ondersteunende rol kan speel om ŉ toekoms vir die Afrikaner-gemeenskap aan die suidpunt van Afrika te verseker. Dr. Ernst Roets, beleidshoof van die Solidariteit Beweging en uitvoerende direkteur van die Afrikanerstigting, sal op hierdie toer vergesel word deur Ernst van Zyl, AfriForum se hoof van Openbare Betrekkinge.

Roets en Van Zyl sal tydens hierdie toer by verskeie geleenthede as sprekers optree, insluitende by die National Conservatism Conference (NatCon 4) in Washington, D.C. en ŉ geleentheid in New York om die Afrikanerstigting bekend te stel. NatCon is een van die grootste politieke konferensies ter wêreld.

Die Afrikanerstigting is ŉ instelling wat deel is van die Solidariteit Beweging in Suid-Afrika en het ten doel om internasionale samewerking moontlik te maak en steun vir Afrikaners te werf. Die stigting wil ook Afrikaners se regmatige plek in die internasionale gemeenskap inneem en ŉ bydrae tot die internasionale gemeenskap lewer met ŉ besondere fokus op die behoud van Westerse tradisie onder Afrikaners en Westerlinge in Suid-Afrika. Die Solidariteit Beweging is ŉ netwerk van instellings wat daarop ingestel is om ŉ vry, veilige en voorspoedige toekoms vir Afrikaners aan die suidpunt van Afrika te verseker. Die aktiwiteite van die Afrikanerstigting is daarop gerig om tasbare uitkomste buite Suid-Afrika te bereik, wat die ondertekening en implementering van samewerkingsooreenkomste, die beïnvloeding van beleid ten opsigte van Suid-Afrika en fondsinsameling vir die aktiwiteite van die Solidariteit Beweging in Suid-Afrika insluit. Die burgerregteorganisasie AfriForum, wat deel van die Solidariteit Beweging vorm, fokus veral op gedesentraliseerde, gemeenskapsgebaseerde oplossings.

Roets en Van Zyl sal deurlopend op sosiale media terugvoer gee oor hul vordering in die Verenigde State.