Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum verwyder 436 huishoudings se vullis in Mookgophong

DeurAfriForum 30/05/202430/05/2024

Te danke aan AfriForum se Naboomspruit-tak in Mookgophong is die residensiële area van Golfpark nou baie skoner en meer higiënies. Teen Vrydag 24 Mei was talle huishoudings se vullis ná sewe dae nog steeds nie verwyder nie. Die Naboomspruit-tak het dit op hulself geneem om ’n privaat vullisverwyderingsmaatskappy te kry om 436 huishoudings se vullis te verwyder.

Verskeie gemeenskapslede het hulle misnoeë uitgespreek oor die Mookgophong Plaaslike Munisipaliteit se onvermoë om vullis te verwyder. Vullis het buite huise opgehoop en die munisipaliteit se enigste verskoning hiervoor is dat daar tans slegs een werkende vullisverwyderingstrok is en twee ander wat op die oomblik stilstaan.

“AfriForum se Naboomspruit-tak het noodgedwonge ingespring om hierdie verligting en hulp aan die gemeenskap te bied. Hierdie is egter net ’n tydelike oplossing. AfriForum sal alle moontlike roetes en remedies oorweeg om druk te plaas op die munisipaliteit en sodoende te verseker dat inwoners die dienste kry waarvoor hulle betaal,” sê Hendrik Kotze, AfriForum se provinsiale koördineerder vir Limpopo.

AfriForum moedig gemeenskapslede in Mookgophong aan om by hul plaaslike organisasies en strukture betrokke te raak om verdere verval in die dorp te stop.

Besoek www.wordlid.co.za om vandag nog by AfriForum se Naboomspruit-tak betrokke te raak.