Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Veldtogte en petisies

AfriForum dring aan op die wegdoen van TV-lisensies en die privatisering van die SABC in parlementêre voorlegging

DeurAfriForum 10/01/202411/01/2024

AfriForum gaan 16 Januarie skriftelike kommentaar by die portefeuljekomitee oor kommunikasie en digitale tegnologie indien rakende die Wetsontwerp op die Suid-Afrikaanse Uitsaaikorporasie SOC BPK [B32-2023]. AfriForum stel in hul voorlegging twee oplossings voor vir die SABC se langdurige en voortdurende stryd met befondsing, korrupsie, wanbestuur en verkwistende uitgawes. Die hoofoplossing is dat die SABC geprivatiseer moet word, maar as die regering die desentralisasie van staatsmag verwerp, is die alternatief om weg te doen met TV-lisensies. Hoe dit ook al sy, die huidige disfunksionele status quo kan nie voortduur nie.

AfriForum voer aan dat privatisering die SABC sal laat herleef en tot beter doeltreffendheid, programme van hoër gehalte, sowel as finansiële stabiliteit sal lei. Privatisering sal ook help om korrupsie en wanbestuur te beveg. Met betrekking tot die argumente om weg te doen met TV-lisensies, haal AfriForum die hemelhoë koerse van ontduiking en nie-nakoming aan, asook die onregverdigbare bykomende finansiële las wat dit op arm huishoudings plaas. AfriForum stel ook moontlike alternatiewe bronne van befondsing voor.

Voeg jou naam by ons kommentaar en versterk ons veldtog.

"*" indicates required fields

Naam en van*

Kontaknommer*

E-posadres

This field is for validation purposes and should be left unchanged.