Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Onderwys- en leierskapsprojekte Mediaverklarings

Teenboelieveldtogspan besoek Laerskool Witpoort as deel van Nasionale Boelievoorkomingsmaand

DeurAfriForum 18/10/202319/10/2023

Die burgerregteorganisasie AfriForum se teenboelieveldtogspan het gister (17 Oktober 2023) Laerskool Witpoort, oos van Pretoria, besoek as deel van Nasionale Boelievoorkomingsmaand. Dié veldtog dien as bewusmaking van afknouery in skole en sluit inligtingsessies met leerders in.

“Afknouery neem verskillende vorms aan en kan ’n skadelike uitwerking op die lewe van ’n kind hê. Alhoewel daar verskillende grade van afknouery is, is elke kind uniek en reageer op sy eie manier op hierdie situasies. Daarom is dit belangrik dat ouers, voogde en onderwysers afknouery verstaan, sodat hulle in gesprek kan tree hieroor en kan identifiseer wanneer ’n kind hulp nodig het,” sê Riëtte du Plessis, ’n onderwyser van Laerskool Witpoort.

“Dit is vir AfriForum belangrik om saam met leerders, onderwysers en ouers te werk om ’n verskil te maak en afknouery in skole hok te slaan. Veilige skole sorg ook vir veilige gemeenskappe, nie net nou nie, maar ook in die toekoms. Elke leerder wat die teenboeliepraatjie bywoon, word toegerus met die nodige kennis en vaardighede om as ’n leier in situasies op te tree waar afknouery plaasvind en dus boeliebestand te wees. Kinders word ook geleer om te kan onderskei tussen afknouery en konflik. Die gevare en gevolge van sosiale media en kuberafknouery is van kardinale belang en word ook met die leerders bespreek,” sê Leandie Bräsler, AfriForum se bestuurder vir jeugleierskap.

Vir meer inligting oor AfriForum se teenboelieveldtog besoek gerus www.teenboelie.co.za.

Gemeenskapsake Mediaverklarings | Mediaverklarings

Gratis ambulansdienste vir Deneysville se AfriForum-lede

DeurAfriForum 08/12/202208/12/2022

Die Vaal Emergency Care privaat ambulansdienste het vandag onderneem om aan die lede van AfriForum se Deneysville-tak gratis ambulansdienste beskikbaar…