Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Van padmerke verf tot grassny vir Groter Moot-strukture in April

DeurAfriForum 03/05/202303/05/2023

AfriForum se Groter Moot-buurtwag en die buurtspan van die Groter Moot-tak het gedurende April reusewerk gedoen en sukses behaal om die Moot-gemeenskap te verbeter en beveilig.

Gedurende April het die buurtspan ’n totale oppervlakte van 171 300 vierkante meter se gras gesny, 417 man-ure op die bossiekappers spandeer en 52 geelsakke rommel weggery. Die span het ook verskeie padmerke geverf, waaronder twee stop-padmerke en twee voetoorgange. Verder het hulle ses verstopte stormwaterdreine skoongemaak en 43 sakke teer van 25 kg elk gebruik om slaggate op te vul.

AfriForum se Groter Moot-buurtwag het ook volstoom voortgegaan. Hulle het op drie ongelukstonele gehelp en deelgeneem aan AfriForum se jaarlikse nasionale massapatrollie. Die buurtwag het ook twee van hul eie operasies aangepak wat die inoefening van gebeurlikheidsplanne teen onluste behels, asook operasies saam met naburige AfriForum-buurtwagte.

“AfriForum sal aanhou om ons gemeenskappe te help waar die staat of munisipaliteit misluk en om hoop in gemeenskappe te skep deur projekte aan te pak wat ’n daadwerklike verskil in die area maak,” sê Sampie Steinberg, AfriForum se distrikskoördineerder vir Groter Pretoria-Noord.