Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum Jeug Mediaverklarings | Mediaverklarings

AfriForum Jeug se Kimberley-tak verwerf Takvoorsitter van die Jaar-toekenning

DeurAfriForum 14/02/202214/02/2022

Die AfriForum Jeug-tak in Kimberley het by die onlangse AfriForum Jeugkongres weggestap met die Takvoorsitter van die Jaar-toekenning vir 2021.

Dié AfriForum-tak is in 2012 in Kimberley gestig en die jeug-tak is in 2020 gestig en Rampie Niemann dien tans as voorsitter.

Henko Visser takvoorsitter van Afriforum se Kimberley-tak sê die vinnige groei wat die tak se jeug afdeling sedert die stigting in middel 2020 getoon het, het waarskynlik grootliks tot die toekenning bygedra.

“Kimberley is nie in ’n gunstige situasie nie aangesien die skoolgangers en universiteitstudente nie veel belangstel om by die tak se jeugaktiwiteite betrokke te wees nie. Die meerderheid is jong werkendes wat tans die jeug-tak se vooruitgang verseker,” sê Visser.

Die AfriForum-tak is baie aktief in Kimberley en die tak se eerste prioriteit vanjaar is om die buurtwagte uit te brei. Die tak spog tans met 876 nasionale lede, 1 051 taklede en 25 provinsiale lede in Kimberley. Visser glo dat hierdie toekenning sal dien as motivering vir die tak om verder uit te brei en om die kollig te werp op die jeug-tak om so ook vir die publiek te wys waar hierdie jongmense ’n verskil maak.

Enige navrae of indien gemeenskapslede by AfriForum se bedrywighede in Kimberley betrokke wil raak, kan Henko Visser gekontak word deur ’n e-pos te stuur aan voorsitter.kimberley@afriforumtak.co.za.

Raak vandag nog by die jeugstrukture in jou gemeenskap betrokke en help om ’n verskil te maak. E-pos petri.vanderwalt@afriforum.co.za of SMS “Jeug” na 32687 (R1 per SMS).