Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AFRIFORUM SE GAUTENG-BUURTWAGTE NEEM DEEL AAN NASIONALE PATROLLIE

DeurAfriForum 17/03/202103/09/2021

AfriForum se buurtwagte in Gauteng het op 12 Maart 2021 in hul onderskeie gebiede aan dié burgerregteorganisasie se nasionale patrollie deelgeneem om polisiëringsigbaarheid te verhoog. Die patrollie is in samewerking met die SAPD, plaaslike gemeenskappolisiëringsforums, gemeenskapslede, verskeie sekuriteitsmaatskappye en ander veiligheidsinstansies aangepak.

Altesaam 548 AfriForum-lede en 390 ander patrolleerders het 22 533 km met 489 voertuie afgelê. Die patrollie het omstreeks 16:00 begin en tot 06:00 voortgeduur. Die buurtwagte het hulp met 102 voorvalle verleen. Bystand is verleen met die vastrek van roekelose en dronkbestuurders; talle motorongelukke; verskeie padblokkades waartydens mense vir die besit van dwelms in hegtenis geneem is; en ’n geval waar twee mense deur weerlig getref is.

“Sigbaarheid speel ’n deurslaggewende rol in misdaadbekamping en AfriForum se Gauteng-buurtwagte sal voortdurend projekte aanpak en gereelde patrollies organiseer om misdaad in samewerking met die SAPD en veiligheidsinstansies hok te slaan. Ons het ook gesien dat samewerking met verskillende rolspelers daartoe bydra om misdadigers af te skrik,” sê Llewellynn Hemmens, AfriForum se provinsiale veiligheidskoördineerder vir Gauteng.

“AfriForum se buurtwagte fokus nie net op sigbaarheidsinisiatiewe nie, maar verseker dat ander aksies plaasvind om gemeenskappe se weerbaarheid te verbeter, asook om verhoudings met ander rolspelers te vestig,” sê Hillel Coetzer, AfriForum se hoof van gemeenskapsveiligheid vir die noordstreek.

Raak vandag nog by AfriForum se buurtwagte betrokke en help om jóú dorp veilig te maak: SMS “Buurtwag” na 45342 (R1).