Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum skenk kospakkies aan mense in nood

Deur 25/05/202002/11/2020

AfriForum se Overstrand-tak het op 22 Mei 2020 22 kospakkies aan die plaaslike Solidariteit Helpende Hand-tak geskenk om gemeenskapslede in nood te help. Dié pakkies bevat niebederfbare kos en skoonmaakmiddels en elke pakkie kan ’n gesin van vier vir ’n maand voed.

Dié skenking is moontlik gemaak deur fondse vanuit die Overstrand-tak se taknoodfonds, wat danksy donasies van inwoners help om die gevolge van die pandemie te oorbrug. Die tak gaan Solidariteit Helpende Hand ook help om die pakkies na behoeftige mense te versprei.

“Die Overstrand se plaaslike ekonomie is grotendeels afhanklik van die toerismebedryf. Baie ondernemings is tans weens die inperking gesluit en inwoners het oornag hul inkomste verloor. Dit is vir ons as AfriForum-tak belangrik om ’n verskil te maak en uit te reik na mense in ons gemeenskap,” sê Cuan Elgin, voorsitter van AfriForum se Overstrand-tak.

“Dit is lekker om in hierdie tyd hande te vat en mense in nood by te staan en uiteindelik mense te help om weer op hul voete te kom. Ons bedank elkeen wat betrokke is en ’n bydrae gemaak het tot die suksesvolle afloop van die projek,” sê Johardt van Heerden, AfriForum se distrikskoördineerder vir die Boland.

Dra vandag nog tot dié tak se taknoodfonds by – jy kan help om ’n verskil in jou gemeenskap te maak: SMS “Overstrand” na 45265 (R1).