Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AfriForum se Kempton Park-buurtwag maak ’n verskil in Maart

Deurafriforum 02/04/202002/11/2020

Die AfriForum-buurtwag in Kempton Park het die plaaslike gemeenskap in Maartmaand deurlopend bygestaan en verskeie voorvalle hanteer.

Die buurtwag het suksesvol aan die volgende aksies deelgeneem:

Hulp aan ’n inwoner wat uit sy rolstoel geval het;
Bystand tydens ’n aanrandingsvoorval;
Bystand tydens ’n arrestasie;
AfriForum se nasionale patrollie waartydens nege patrolleerders 529 km in nege voertuie afgelê het;
Operasionele bystand aan ’n hawelose man wat mediese sorg by ’n hospitaal benodig het;
Ontbied nooddienste om ’n bejaarde dame wat geval het na ’n hospitaal te vervoer;
Ontbied nooddienste, sper die pad af en reguleer verkeer op ’n ongelukstoneel waar ’n 16-jarige seun raakgery is;
Gebruik saam met SecPros Sekuriteit ’n selfoonsein om ’n voertuig wat tydens ’n gewapende rooftog gesteel is, in Tembisa op te spoor; en
Hulp met brandbestryding in samewerking met SSS Sekuriteit en SecPros Sekuriteit se brandwa.

Volgens Jan Vermaak, voorsitter van AfriForum se Kempton Park-tak, is dit belangrik om aktief en sigbaar in die gemeenskap te wees om kriminele elemente uit die gebied te dryf. “Ons is verantwoordelik vir ons eie veiligheid en kan dit bereik deur op ’n gemeenskaplike doel te fokus.”