Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AfriForum-buurtwagte hou gesamentlike hoësigbaarheidsaksie in Addo

Deur 21/02/202002/11/2020

Die burgerregteorganisasie AfriForum se buurtwagte in Kirkwood, Addo en die Gamtoosvallei-omgewing het op 17 Februarie 2020 in samewerking met die Oos-Kaapse sekuriteitsnetwerk, gemeenskapslede, Smhart Security en Valley Security ’n gesamentlike hoësigbaarheidsaksie as misdaadvoorkomingsmaatreël gehou.

Altesaam 30 mense het in 13 voertuie ongeveer 1 000 km afgelê. Dié sigbaarheidsaksie het om 20:00 begin en 05:00 geëindig. Slegs twee voorvalle van huisbraak is aangemeld en hoewel geen arrestasies gemaak is nie, het die vinnige en gekoördineerde reaksie van die buurtwagte die oortreders op die agtervoet gehad.

“Gewoonlik keer verdagtes terug vir nog ’n probeerslag later dieselfde aand, maar dié aand het dit nie gebeur nie en ons glo dit is as gevolg van die aktiwiteite van die buurtwagte,” sê Dave Phelan, AfriForum se gemeenskapsveiligheidvoorsitter van die Gamtoosvallei.

“Die Addo-gemeenskap gaan gebuk onder misdaad en die gemeenskap is keelvol en gefrustreerd. Dít is waarom AfriForum iets daadwerklik wil doen om ’n verskil in die gemeenskap te maak en om die gemeenskap weer hoop te gee,” sê Johandré van Zyl, AfriForum se hoof van gemeenskapsveiligheid vir die suidstreek.

Raak vandag nog by AfriForum se veiligheidstrukture betrokke: SMS “Veilig” na 45353 (R1).