Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Artikels | Forum Nuus

Lees en laai die verhaal van die Leeu van die Wes-Transvaal hier af

Deur 31/01/202002/11/2020

AfriForum het in Desember sy eerste tekenprent oor die Afrikanergeskiedenis bekendgestel. James Kemp het die teks en Sean Verster die tekeninge oor genl. Koos de la Rey, ook bekend as die Leeu van die Wes-Transvaal, geskep.

Die tekenprent vind groot byval by AfriForum-lede en veral jong mense en daarom is besluit om dit op ons webtuiste beskikbaar te stel waar dit gelees en afgelaai kan word.

Al het die Anglo-Boereoorlog van 1899 tot 1902 maar ’n klein deeltjie van die geliefde generaal se lewe uitgemaak, was sy prestasies as krygsman so indrukwekkend dat hy nou nog daarvoor onthou word.

De la Rey is op 22 Oktober 1847 op die plaas Doornfontein in die Winburg-distrik gebore. Hy is in 1876 met Jacoba Elizabeth Greeff, ook bekend as tant Nonnie, getroud. Hulle het twaalf kinders gehad.

Hulle het hulle uiteindelik op die plaas Elandsfontein buite Lichtenburg gevestig. De la Rey was ’n natuurlike leier wat baie take vir die Transvaalse regering aangepak het. Hy het sy krygsvernuf tydens die Eerste Vryheidsoorlog (1880 – 1881) en met die afweer van die Jameson-inval in 1896 getoon. Hoewel hy nie bereid was om die vryheid van sy volk prys te gee nie, het hy sy bes probeer om die Anglo-Boereoorlog te voorkom.

Die huidige regering misken Afrikaners se geskiedenis en die bydra wat hulle tot die opbou van die land gemaak het. Die beskerming van ons geskiedenis is in ons eie hande en ons moet dit beskerm teen diegene wat dit wil kriminaliseer. Geen volk is sonder foute nie, maar ons het baie om op trots te wees. Ons het ’n verantwoordelikheid om ŉ eerlike opvatting van die verlede te bewaar en daarom mag ons ook vir genl. De la Rey onthou. Lees en laai die tekenprent hier af: http://artikels.afriforum.co.za/forum-tydskrif/