Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AfriForum-buurtwagte in Apiesrivier-omgewing hou massapatrollie

Deur 23/09/201902/11/2020

AfriForum se buurtwagte het die naweek van 13 September ’n massapatrollie in die Apiesrivier-omgewing gehou om misdaad te voorkom. Dié massapatrollie het in samewerking met verskeie sekuriteitsmaatskappye en gemeenskapslede plaasgevind, wat gehelp het om sigbaarheid in die area te verhoog.

Altesaam 76 voertuie en 152 gemeenskapslede het aan die patrollie deelgeneem. Die lede het gedurende die massapatrollie 4 638 km in 399 man-ure in die verskillende gebiede afgelê en het met ses insidente bystand gebied.

“AfriForum loods hierdie massapatrollies om sigbaarheid te verhoog, samewerking tussen alle veiligheidsinstellings te verbeter en die veiligheid van ons gemeenskappe te verseker,” sê Jaco Brits, ondervoorsitter van AfriForum se Apiesrivier-tak.

Jaco Grobbelaar, AfriForum se distrikskoördineerder vir Groter Pretoria, sê goeie samewerking tussen verskillende strukture is uiters belangrik om misdaad hok te slaan. “Suksesse soos hierdie word gedryf deur samewerking en doeltreffende kommunikasie tussen die gemeenskap en privaat sekuriteit. Die buurtwagte stel ’n goeie voorbeeld van die sukses wat bereik kan word as die gemeenskap saamstaan en proaktief optree.”

Brits bedank ook die gemeenskap en alle rolspelers vir die reëlings en beplanning wat daartoe bygedra het dat die patrollie seepglad verloop.

“AfriForum doen ’n beroep op gemeenskappe om betrokke te raak en self hul veiligheid te begin prioritiseer. Ons kan nie net op die polisie staatmaak om na ons veiligheid om te sien nie. Raak by enige veiligheidsinstelling in jou omgewing betrokke of sluit vandag nog by AfriForum aan en word deel van die oplossing,” sê Grobbelaar.

Raak vandag aktief by AfriForum se buurtwagte betrokke: SMS jou naam na 45341 (R1) en maak op dié manier ’n positiewe bydrae.