Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Argiewe

AfriForum se Alberton-buurtwag ontvang trauma-opleiding

Deurafriforum 09/02/201802/11/2020

Lede van AfriForum se Alberton-buurtwag het op 27 Januarie 2018 die eerste sessie van hul trauma-opleiding ontvang.

“AfriForum se Alberton-buurtwag het in 2017 aansienlik uitgebrei en dit is daarom van kardinale belang dat buurtwaglede meer gespesialiseerde opleiding ontvang. Die buurtwaglede staan die publiek op verskeie tonele by en moet weet hoe om in noodsituasies op te tree,” sê Louis van Aswegen, voorsitter van AfriForum se Alberton-tak

Volgens Francois Booysen, voorsitter van die veiligheidsportefeulje van AfriForum se Alberton-tak, is hierdie die eerste fase van ’n reeks opleidingsessies wat in samewerking met verskeie rolspelers beplan word.

“Die buurtwag wil ’n positiewe verskil in ons gemeenskap maak, maar ons is net so sterk soos ons ledetal. Ons doen daarom ’n beroep op die Alberton-gemeenskap om by die AfriForum-tak en -buurtwag betrokke te raak. Lede van die publiek kan ook ons noodnommer (066 048 2825) skakel in geval van nood of vir verdere inligting,” sluit Booysen af.

Raak by jou plaaslike AfriForum-buurtwag betrokke: SMS “Alberton” na 45342 (R1).