Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Argiewe

AfriForum-tak in Delareyville help Tswaing Munisipaliteit om slaggate te herstel

Deurafriforum 29/09/201702/11/2020

’n Lid van AfriForum se Delareyville-tak het besluit dat slaggate in dié dorp herstel moet word. James Kukard het die Tswaing Plaaslike Munisipaliteit in hierdie verband genader en het verneem dat teer in Ottosdal beskikbaar is om die slaggate reg te maak, maar dat die munisipaliteit nie vervoer het om die teer na Delareyville te neem nie.
Kukard het gereël dat die teer gehaal word. Die munisipaliteit het werkers voorsien en 160 sakkies teer is gebruik om die slaggate in Pancroft- en Proteastraat te herstel. Omdat daar nog baie gate is, help die AfriForum-tak ook om die oorblywende gate met grond te vul.

“AfriForum bedank lede soos Kukard wat inisiatief neem om iets aan ’n benarde situasie te doen. Ek wil ’n beroep doen op lede om gevalle soos hierdie onder die AfriForum-bestuur se aandag te bring en dan saam te werk om ’n oplossing te vind. Só maak gewone mense buitengewone verskille in ons dorpe. Samewerking met munisipaliteite is belangrik, want dit bly hul plig om hierdie take te verrig, maar onbevoegde bestuur noodsaak AfriForum om ook self hand aan die ploeg te slaan,” sê Alta Pretorius, AfriForum se streekskoördineerder vir Stellaland.