Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Argiewe

AfriForum loods Rus in Vrede-veldtog in Middelburg

Deurafriforum 25/08/201702/11/2020

As deel van die burgerregte waghond AfriForum se Rus in Vrede-veldtog wat onlangs van stapel gestuur is, is ’n skoonmaakaksie op 19 Augustus 2017 by die Middelburg-begraafplaas gedoen waartydens 25 swartsakke vol rommel opgetel en ’n bakkievrag se takke en gras verwyder is.

“AfriForum se Middelburg-jeugvleuel het al die vullis tussen die grafte opgetel en grafte skoongevee. Dit maak ons as jongmense trots om ’n verskil in ons gemeenskap te kan maak,” sê Jaco Booyens voorsitter van die jeugvleuel van AfriForum se Middelburg-tak.
“Ons het ’n beduidende aantal drankbottels opgetel en die begraafplaas is na bewering ook ’n gewilde uithangplek vir dwelmgebruikers. Die buurtwag sal daarom patrollering rondom die begraafplaas opskerp,” sê Chris Olivier, voorsitter van AfriForum se Middelburg-tak.
“Gemeenskappe kan die toekoms in hul eie hande neem deur selfdoenaksies. Inisiatiewe soos dié skep hoop in ’n gemeenskap en is ’n voorbeeld van hoe selfstandigheid deur gemeenskapslede bewerkstellig kan word,” sê Hillel Coetzer, AfriForum se streekskoördineerder vir Mpumalanga-Wes.

Raak vandag by jou plaaslike AfriForum-tak betrokke. SMS “Begraafplaas” na 45350 (R1).