Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum-tak in Klerksdorp kry nuwe bestuur

DeurAfriForum 01/02/202201/02/2022

Die AfriForum-tak in Klerksdorp het op 27 Januarie 2022 ’n nuwe bestuur aangewys uit die nominasies wat aanlyn van lede ontvang is. Die nuwe bestuur bestaan uit: Frans Roos (voorsitter en plaaslikeregeringsake), Johnny Parsons, (ondervoorsitter en projekbestuurder), Coleen Wallis (sekretaresse), Esmari Greyling (tesourier), Henry Peens (omgewingsake), Joey van der Walt (bemarking en kommunikasie), Theo Gresse (veiligheid) en Anton Oosthuizen (veiligheid). Die buurtwagleiers is Jakkals Hartman, Henry Peens, Richard Cronje en Francois Coetzee.

Die nuwe span is besig met beplanning vir die jaar wat voorlê en daar is baie aksies en projekte in die pyplyn. Die slaggatprojek is reeds in volle swang en veiligheid is ook hoog op die tak se prioriteitslys.

“Dit is baie lekker om ’n vol span met soveel entoesiastiese mense te hê. Ek glo dat ons heerlik gaan saamwerk en baie gaan bereik,” sê Roos.

“Hierdie is ’n formidabele span en ek sien daarna uit om saam met hulle te werk en om die verskil wat hulle gaan maak, te aanskou,” sê Alta Pretorius, AfriForum se distrikskoördineerder vir die Mooirivier.

Inwoners wat by die tak se bedrywighede betrokke wil raak, kan vir Roos skakel by 083 378 8826. Sluit vandag nog by AfriForum aan en word deel van die oplossing: SMS “Klerksdorp” na 45344 (R1).